A.N. Ostrovskiy nomidagi Toshkent teatr va rassomlik institutida 1966-yilda Mahobatli rangtasvir bo‘limi tashkil etildi. O‘zbekiston Respublikasi Birinchi Prezidentining 1997-yil 11-martdagi farmoniga muvofiq, mazkur bo‘lim Kamoliddin Behzod nomidagi Milliy rassomlik va dizayn instituti Tasviriy san’at fakulteti tarkibidagi kafedralardan biri sifatida faoliyat yuritib kelmoqda.

Kafedrada O.K. Tatevosyan (kafedra mudiri), R.A. Ahmedov va V.A. Riftin kabi rassomlar ilk pedagoglar sifatida faoliyat olib borgan.

Mahobatli rangtasvir kafedrasida faoliyat yuritgan professor-o‘qituvchilar qatoriga Ch.T. Axmarov, V.I. Jmakin, V.I. Drigin, V.I. Burmakin, O.M. Muinov, A.F. Mazitov, Yu.V. Chernyshov, R. Kryukova, M.A. Abidjanova, Erkin Nazarov, Ozod Xabibulin va B. Boboyev kabi yetuk mutaxassislar kiradi.

1969–1972-yillar davomida O‘zbekiston xalq rassomi, akademik, professor Chingiz Axmarov ushbu kafedrada faoliyat yuritgan.

1966–1992-yillar mobaynida esa kafedraga dastlabki rahbarlardan biri bo‘lgan Valentin Ivanovich Jmakin mudirlik qilgan.

Kafedrada quyidagi fanlar o‘qitiladi: chizmatasvir, rangtasvir, dekorativ rangtasvir, rangshunoslik, kompozitsiya asoslari, kompozitsiya, mahobatli rangtasvirda ashyoda ishlash, loyihalash va maketlashtirish, mahobatli rangtasvir texnikasi va texnologiyasi, mahobatli rangtasvirda badiiy yechim, mahobatli chizmatasvirda badiiy yechim, monumental san’at kompozitsiyasi, ashyoda ishlash hamda arxitektura va kompozitsiya asoslari.