Axborot-resurs markazi tarixi va faoliyati

Kamoliddin Behzod nomidagi Milliy rassomlik va dizayn instituti Axborot-resurs markazi 1997-yilda Mannon Uyg‘ur nomidagi Teatr va rassomlik san’ati instituti kutubxonasi fondi negizida tashkil etilgan. O‘zbekiston Respublikasi Prezidentining 2006-yil 20-iyundagi PQ–381-son qarori hamda Oliy va o‘rta maxsus ta’lim vazirligining 2006-yil 29-dekabrdagi 295-son buyrug‘i ijrosini ta’minlash maqsadida, institut kutubxonasi 2007-yil 16-iyuldagi 66-U-son ichki buyruq asosida Axborot-resurs markaziga aylantirilgan.

Fond tarkibi

Axborot-resurs markazi fondi tasviriy san’at, dizayn, me’morchilik, muzeyshunoslik, konservatsiya va zamonaviy san’at yo‘nalishlarini qamrab olgan keng adabiyotlar majmuasidan iborat.

Fond quyidagi yo‘nalishlarni o‘z ichiga oladi:

bakalavriat va magistratura ta’lim yo‘nalishlari bo‘yicha darsliklar, o‘quv qo‘llanmalar va ilmiy adabiyotlar; san’at tarixi va nazariyasi, muzeyshunoslik, grafika, rangtasvir, haykaltaroshlik, interyer dizayni, amaliy san’at, zargarlik, libos dizayni, teatr va kino bezagi, konservatsiya va restavratsiya, art menejment hamda galereya ishi bo‘yicha adabiyotlar.

Shuningdek, fondda ijtimoiy fanlar, axborot texnologiyalari, jahon badiiy adabiyoti, tilshunoslik, tarix, etnografiya, arxeologiya, geografiya hamda ensiklopedik nashrlar va lug‘atlar mavjud.

Fond hajmi

Markaz fondi 79 786 nusxa (42 287 nomda) bosma va elektron adabiyotlardan iborat.

Shundan:

• o‘zbek tilida – 38 962 nusxa (12 083 nom)
• ilmiy adabiyotlar – 25 579 nusxa (17 260 nom)
• darsliklar – 5 639 nusxa (943 nom)
• o‘quv qo‘llanmalar – 11 884 nusxa (1 487 nom)
• badiiy adabiyotlar – 3 706 nusxa (1 768 nom)
• boshqa adabiyotlar – 3 763 nusxa (1 882 nom)
• elektron manbalar – 17 086 nom
• davriy nashrlar – 12 129 nusxa (1 861 nom)

Texnik baza va raqamlashtirish

Axborot-resurs markazida 47 ta kompyuter mavjud bo‘lib, internet va Wi-Fi tarmog‘iga ulangan. Shuningdek, 2 ta printer, 1 ta skaner va 1 ta proyektor mavjud.

IRBIS tizimi orqali kataloglashtirish va raqamlashtirish ishlari olib borilmoqda. Hozirga qadar 24 380 yozuv kiritilgan. “Fine Reader” dasturi orqali adabiyotlar elektron shaklga o‘tkazilib, PDF formatda elektron bazaga joylashtiriladi.

Elektron katalog va ma’lumotlar bazasi

Elektron va an’anaviy kataloglar tizimli ravishda yuritiladi. Alfavitli va sistemali kataloglar o‘zbek (lotin va kirill), rus va xorijiy tillardagi adabiyotlarni qamrab oladi.

Ma’lumotlar UDK va BBK tasniflari asosida tizimlashtiriladi.

Elektron resurslar va raqamli xizmatlar

ARM tomonidan Telegram platformasida axborot tarqatish tizimi yo‘lga qo‘yilgan. “MRDI | ARM – Kutubxona” guruhi orqali foydalanuvchilarga quyidagi ma’lumotlar taqdim etiladi:

• yangi bosma va elektron nashrlar;
• bibliografik ro‘yxatlar;
• to‘liq matnli elektron resurslar;
• ilmiy va madaniy tadbirlar;
• xalqaro ma’lumotlar bazalari;
• kitob ko‘rgazmalari haqida ma’lumotlar.

Maxsus fond

Markaz fondida 836 ta noyob madaniy merosga oid adabiyotlar mavjud bo‘lib, ular muntazam raqamlashtiriladi va elektron bazaga kiritiladi.

O‘quv zallari va filiallar

ARMda 3 ta o‘quv zali mavjud bo‘lib, umumiy sig‘imi 150 o‘rinni tashkil etadi.

Talabalar turar joyida ARM filiali faoliyat yuritadi. Uning fondi 5 027 nusxadan iborat bo‘lib, 10 ta kompyuterli elektron zal bilan jihozlangan va internetga ulangan.

Tashkiliy tuzilma

Axborot-resurs markazi 5 ta bo‘limdan iborat:

• ilmiy-uslubiy va axborot-ma’lumot bo‘limi
• fondlarni butlash bo‘limi
• kataloglashtirish va tizimlashtirish bo‘limi
• xizmat ko‘rsatish bo‘limi
• elektron va xorijiy resurslar bilan ishlash bo‘limi

Markazda 14 nafar xodim faoliyat yuritadi.

Ish vaqti

Dushanba – shanba: 09:00 – 18:00

Talabalar turar joyidagi filial: 18:00 – 21:00

Tozalik kuni: har oyning oxirgi kuni